კაპელის ქორმაისტერი
ლელა დოლიძე
შემოქმედებითი ბიოგრაფია
1980-1989 წლებში სწავლობდა ბათუმის №6 საშუალო სკოლში.
1989-1993 წლებში სწავლობდა ზაქარია ფალიაშვილის სახელობის სამუსიკო სასწავლებელში - საგუნდო-სადირიჟორო სპეციალობით.
2000-2005 წლებში სწავლობდა ბათუმის ზაქარია ფალიაშვილის სახელობის სახელმწიფო კონსერვატორიაში - აკადემიური გუნდის დირიჟორის სპეციალობით. პედაგოგი ქეთევან მანელიშვილი.
1998-2004 წლებში მუშაობდა აჭარის სახელმწიფო კაპელაში - გუნდის მსახიობ-მომღერლად.
2004 წლიდან დღემდე მუშაობს ბათუმის სახელმწიფო მუსიკალურ ცენტრში კაპელის ქორმაისტერად.
2007-2008 წლებში - შოთა რუსთაველის სახელმწიფო უნივერსიტეტის კონსერვატორიის საოპერო მიმართულების გუნდის ხელმძღვანელია;
2008 წლიდან დღემდე მუშაობს ბათუმის ხელოვნების სასწავლო უნივერსიტეტის მუსიკის ფაკულტეტის გუნდის ხელმძღვანელად.
2007 წლიდან დღემდე, ბათუმის მუსიკალური ცენტრის ვოკალური კვარტეტი ,,ნოტა“ს სოლისტია. 2008 წელს კვარტეტი ,,ნოტა“ ბულგარეთის საერთაშორისო ფესტივალზე ,,МОРЕ И СПОМЕНИ“ დაჯილდოვდა დიპლომით - საუკეთესო მაღალმხატვრული შესრულებისათვის და მიიწვიეს მომდევნო წელს კონკურსზე.
2009 წელს ბულგარეთში საერთაშორისო კონკურს-ფესტივალზე კვარტეტმა ,,ნოტა“მ მოიპოვა პირველი ადგილი და ლაურეატის წოდება.
2010 წელს კვარტეტი ,,ნოტა“ მიიწვიეს სტამბულის საერთაშორისო ფესტივალზე, სადაც დაჯილდოვდა დიპლომითა და ფასიანი საჩუქრებით.
2011 წელს კვარტეტი ,,ნოტა“ მიიწვიეს ბულგარეთში, ამჯერად ქალაქ კორლოვოში - ,,ვარდების“ ფესტივალზე, ასევე მიიღო მონაწილეობა სახალხო დღესასწაულში ,,КОПРИВЩИЦА 2011“ , სადაც დაჯილდოვდა დიპლომითა და ფასიანი საჩუქრებით.
ლელა დოლიძე, როგორც კაპელის ქორმაისტერი, აქტიურ შემოქმედებით მოღვაწეობას ეწევა. მისი საკონცერტო პროგრამა გამოირჩევა მრავალფეროვნებითა და გაჯერებულია ქართველ და საზღვარგარეთელ კომპოზიტორთა ნაწარმოებებით. იგი აქტიურად მონაწილეობს კაპელის სამთავრობო ღონისძიებებში, იღწვის კაპელის მაღალპროფესიონალურ კოლექტივად წარმოჩენისთვის.
2011 და 2012 წლებში, თბილისის საგუნდო მუსიკის ფესტივალებზე ბათუმის სახელმწიფო მუსიკალური ცენტრის კაპელა (ქორმაისტერი ლ.დოლიძე) წარმოჩინდა მრავალფეროვანი პროგრამით, სადაც მაღალი შეფასება და საპატიო დიპლომი მიიღო.
ლ.დოლიძე კაპელის რეპერტუარზე მუშაობის პარალელურად აქტიურადაა ჩაბმული ბათუმის სახელმწიფო მუსიკალური ცენტრის საოპერო სპექტაკლების მომზადებაში ( ვიქტორ დოლიძის ოპერა ,,ქეთო და კოტე“; გაეტანო დონიცეტის ოპერა ,,ლუჩია დი ლამერმური“; ჯუზეპე ვერდის ოპერა ,,რიგოლეტო“ და სხვა).
ამჯერად, მუშაობს კაპელის რეპერტუარის გაზრდასა და მისი მხატვრული დონის ამაღლებისათვის და ამზადებს კოლექტივს 2013 წლის თბილისის საგუნდო ფესტივალში მონაწილეობისათვის.