მანანა ქანთარია
მანანა ქანთარიამ ვიოლინოზე დაკვრა დაიწყო 6 წლის ასაკში. 7 წლის ასაკში გახდა რესპუბლიკური კონკურსის ლაურეატი და აქედან იწყება მისი საკონცერტო მოღვაწეობა. 8 წლის ასაკში მან თბილისის კამერულ ორკესტრთან ერთად შეასრულა ვივალდის ლა-მინორული კონცერტი მარინე იაშვილის ხელმძღვანელობით. თითქმის ყოველ წელს მართავდა სოლო კონცერტებს, როგორც საქართველოში, ისე მის ფარგლებს გარეთ.
1977-80 წწ-ში სწავლობდა თბილისის დ. არაყიშვილის სახელობის I სამუსიკო სასწავლებელში პროფ. შოთა შანიძის კლასში. სასწავლებელში სწავლის პერიოდში იგი გახდა ამიერკავკასიისა და საკავშირო კონკურსების ლაურეატი 16 წლამდე ასაკის კატეგორიაში.
1980 წელს სწავლა განაგრძო თბილისის ვ.სარაჯიშვილის სახელობის სახელმწიფო კონსერვატორიაში პროფ. შოთა შანიძის კლასში, რომელიც 1985 წელს წარჩინებით დაამთავრა.
1986 წლიდან იგი მუშაობს ვ. სარაჯიშვილის სახელობის სახელმწიფო კონსერვატორიაში.
1995 წლიდან თბილისის ზ. ფალიაშვილის სახელობის სამუსიკო სკოლა ”ნიჭიერთა ათწლედის” პედაგოგია.
1998 წელს დაამთავრა თბილისის ილია ჭავჭავაძის სახელობის დასავლურ ენათა და კულტურათა სახელმწიფო ინსტიტუტი გერმანული ენის სპეციალობით.
2000 წელს დაამთავრა ასპირანტურა კამერული ანსამბლის განხრით.
2004 წლიდან ხელმძღვანელობს ახალგაზრდულ მევიოლინეთა ანსამბლს.
2006 წელს გახდა თბილისის ვ. სარაჯიშვილის სახელობის სახელმწიფო კონსერვატორიის ასისტენტ-პროფესორი და 2013 წლიდან არის ასოცირებული პროფესორი.
იგი დღესდღეობით არის ევ. მიქელაძის სახელობის სამუსიკო სასწავლებელში სიმებიანი განყოფილების გამგე. ასევე 2009 წლიდან მ. ქანთარია მუშაობს სამუსიკო სემინარიაში. მას უამრავი საქალაქო, რესპუბლიკური, საერთაშორისო კონკურსების ლაურეატი ყავს აღზრდილი.
მანანა ქანთარია დღემდე აქტიურად ჩაბმულია, როგორც საკონცერტო ასევე პედაგოგიურ მოღვაწეობაში. იგი სისტემატიურად არის საქალაქო, რესპუბლიკური, საერთაშორისო კონკურსების ჟიურის წევრი.
პედაგოგიურ მოღვაწეობაში მიღწეული შემოქმედებითი წარმატებებისათვის დაჯილდოებული არის დიპლომებითა და სიგელებით.
2013 წელს წარდგენილია ღირსების ორდენის კანდიდატობაზე.